Saúdo do alcalde

Prezadas veciñas e veciños,
 
Douvos a benvida á paxina web do voso concello, o Concello de Mondariz, unha ferramenta máis coa que achegarse ao día a día da xestión municipal e unha oportunidade máis para participar na gobernanza do voso pobo.
 
A nova páxina web do Concello de Mondariz é a nosa tarxeta de presentación na rede. Tentará resumir toda a riqueza natural, patrimonial, etnográfica e histórica para que en poucos minutos tanto vós como as persoas que queiran coñecernos se fagan unha idea de que aquí o paso da historia deixou moitos tesouros. Pero ademais, queremos que sexa un lugar no que poidades realizar xestións, contactar con nós e estar ao día da actualidade dun xeito cómodo e áxil.
 
Sabedes que son amigo de tervos preto, de escoitarvos e de ter en conta as vosas aportacións, por iso, vos convido unha vez máis a traballar en positivo, a contribuír e a facer equipo para que gañemos en calidade de vida. Xuntas e xuntos imos construír unha nova relación entre o Concello e a cidadanía, unha na que nos una as ganas de mellorar  e no que a crítica sexa para detectar necesidades e aportar vías de solución.
 
Quedo a vosa disposición,

Xoán Carlos Montes (Calis)
Alcalde de Mondariz