Rehabilitación enerxética da Escola Municipal de Música de Mondariz

Rehabilitación enerxética da Escola Municipal de Música de Mondariz

O Concello de Mondariz aproveitou as oportunidades de financiamento europeo do período 2014-2020 para emprender un proxecto de rehabilitación enerxética da Escola Municipal de Música de Mondariz, un edificio público situado na parroquia de Riofrío (Pé de Muíño s/n) que fora construído en 1970 para servir como centro de ensino e presentaba diversas deficiencias enerxéticas.

O proxecto de rehabilitación enerxética da Escola Municipal de Música de Mondariz tiña por obxecto diminuír a demanda enerxética actual do edificio mediante a rehabilitación enerxética da cuberta e dos ocos da fachada. Para tal fin, mellorouse o illamento da cuberta e substituíuse a carpintería metálica. Unha vez executadas al obras, a cualificación enerxética do edificio pasou de B a A. Segundo a previsión técnica, as emisións de CO2 diminuíron de 5,8 kgCO2/m2 a 4,4 kgCO2/m2

Este investimento ascendeu a 176.661,25 €. Un 80% do importe (141.329,00 €) estivo cofinanciado polo Fondo Europeo de Desenvolvemento Rexional (FEDER) no marco do Programa Operativo de crecemento sustentable 2014-2020, dentro do obxectivo temático 4 (economía baixa en carbono). O 20% de cofinanciamento con recursos propios (35.332,25 €) veu do Plan Concellos 2021 da Deputación de Pontevedra.

Este proxecto de rehabilitación enerxética da Escola Municipal de Música de Mondariz foi presentado diante do Instituto para a Diversificación e Aforro de Enerxía (IDAE), dependente do Ministerio para a Transición Ecolóxica e o Reto Demográfico do Goberno de España, no ano 2020. Foi aprobado no primeiro trimestre de 2021, e executado dentro dos prazos estipulados para a súa correcta xustificación.

Cofinanciado co Fondo Europeo de Desenvolvemento Rexional (FEDER)

«Outra maneira de facer Europa»

Scroll al inicio