Actualidade municipal

Novo curso na Escola Municipal de Música de Mondariz

Prepara a túa matrícula para o próximo curso da Escola Municipal de Música de Mondariz

A Escola Municipal de Música de Mondariz, con sede no antigo CEIP Riofrío-Vilar (Pé do Muíño s/n, parroquia de Riofrío), abre a finais deste mes de xuño o prazo de matrícula para o curso 2021-2022. O primeiro período de inscrición estará aberto entre os días 28 de xuño e 9 de xullo de 2021.

A oferta formativa do vindeiro curso académico amplíase aínda máis, coa introducción da materia colectiva de musicoterapia e a especialidade instrumental de ukelele.

Os prezos públicos están regulados pola Ordenanza municipal publicada no BOPPO número 172, de 7 de setembro de 2020. Neste documento aparece toda a información sobre os custos das diversas actividades formativas, os posibles descontos e as modalidades de pagamento dispoñibles.

O equipo docente da Escola Municipal de Música de Mondariz está altamente cualificado e ofrece orientación personalizada ao alumnado que desexe profesionalizarse no ámbito musical. A formación que se ofrece no centro non só está concebida como actividade extraescolar para mozos e mozas a partir de 3 anos, senón que tamén supón unha oportunidade de aprendizaxe e descubrimento de talentos persoais para persoas adultas.

Itinerarios formativos

  • Curso completo básico
  • Preparación de grao profesional
  • Iniciación ao piano
  • Especialidade instrumental
  • Actividades colectivas instrumentais
  • Actividades colectivas especiais

Especialidades instrumentais

  • Gaita
  • Guitarra
  • Ukelele
  • Piano
  • Percusión
  • Vento-madeira
  • Vento-metal

Actividades colectivas

  • Música e movemento para nenos e nenas de 3-5 anos
  • Iniciación musical para nenos e nenas de 6 anos
  • Coro
  • Orquestra
  • Grupo rock
  • Grupo folk
  • Pandereteiras
  • Percusión africana
  • Musicoterapia

Solicitude de matrícula

Comparte

Share on facebook
Facebook
Share on twitter
Twitter
Share on linkedin
LinkedIn
Share on email
Email
Share on whatsapp
WhatsApp
Share on telegram
Telegram